Vestlandssong
Så var det eksosbendet sin tur. Også dette strevde eg ei stund med å få av, men det gjekk til slutt. Neste gong skal eg prøve triksa til Komodo med å varme opp lufta rundt slangen for lettere å få det av.
I overgangen mellom turbo og bendet var det mykje sot og rust. Eg syns det kunne sjå ut som mykje av denne rusten kjem frå turboen, men det er truleg ein kombinasjon. Her bør eg nok forsøke å få rensa ut litt frå utløpet på turbo.
Eg var naturlegvis spent på om bendet var tett, og om dette kunne være medverkande årsak til varmgang.
Det var det imidlertid ikkje. I hvertfall ikkje i hovedløpet. Det var mykje sot og litt rust, men eg kan ikkje skjønne anna enn at det har vore greit med gjennomstrømming her.
Mest sot var det i den nederste delen. I tillegg er det ein del rust i og rundt dei små hola. Eg hadde i utgangspunktet tenkt å kjøpe nytt bend, sidan det kanskje er tid for å skifte uansett. Boatparts var imidlertid utsolgt på hovedlager og visste ikkje korti dei fekk inn nye av dei ikkje-originale benda. Eg har foreløpig ikkje funne det same i andre nettbutikker. Alternativet er å kjøpe eit originalt Volvo-bend til dobbel pris. Men før eg bestemmer meg for dette ville eg forsøke å vaske bendet for å sjå korleis tilstanden eigentleg er.
Eg starta med å legge det i reint vatn. To gongar tømte eg ei bøtte full av svart vatn. Etter dette gjekk eg over med oppvaskkost inni. Enkelte plasser gjekk eg også over med stålbørste. Eg gav det også ein runde med JIF ovnsrens.
Til slutt la eg bendet i ei bøtte med eddikkblanding. Då såg det ut som om det kom "røyk" frå nedi vatnet. Vatnet var heile tida i svak bevegelse, og tidvis kom det små bobler. Eg lurer på kva dette kom av, kanskje var det soten som løyste seg opp, eller kanskje var det rester av ovnsrensen som reagerte med eddiken. Ikkje veit eg. Det er vel uansett ikkje så viktig, meir ein kuriositet. :)
Til slutt gjekk eg over ein ny runde med stålbørste, og børsta til eg ikkje fekk av meir rust. Så skylte eg det reint. Her er resultatet.
Ganske rein og fin i hovedløpet, men mykje rust inni dei små løpa. Rusten har gjort dei små innløpa ganske "ruglete". Bør bendet byttes eller toler det eit par sesonger til? Eg er ikkje interessert i å ta nokon sjanser så eg heller vel mest mot å bytte.
