Vestlandssong
Eg tenkte eg skulle legge ved eit lite arbeidsregnskap, slik at andre som måtte få lyst til å prøve seg på noko tilsvarende kan få eit inntrykk av tidsbruken på det eg har gjort til no.
Ha i mente at ein person med meir erfaring på motorer enn meg, heilt sikkert kunne gjort det kjappere.
Eg har notert meg 42 arbeidstimer, der ein stor del av desse har foregått liggande i motorrommet. No skal det seiast at dette også inkluderer ein kjapp bunnsmøring av vannlinja, montere nye sinker på trimflaps og montering av sjøvannsventil. Desse tinga er jo ikkje direkte relatert til motoren, så her kan me kanskje trekke fra 6 timer om me ser på motoren isolert sett.
I tillegg har eg kanskje brukt 10-15 timer på research på YouTube, Facebook, Båtforumet og servicemanualer. Og så kjem bestilling av deler, reiser til butikk osv på toppen. Så kanskje 55-60 timer alt inkludert.
Arbeidet har vore fordelt over tre veker. Som småbarnsfar og med 100% jobb i tillegg var det ei intens tid. Skulle eg gjort dette igjen ville eg kanskje ha utvida perioden med eit par veker. Men eg har vore ivrig etter å få båten på vatnet og få litt ut av høstsesongen også. No som det er gjort er eg glad for det ?
Kva er neste steg? Oljelekkasjen eg hadde ser ut til å være borte. Noko av det var nok knytta til den gamle turboen. Når det gjeldt svetting/lekkasje av olje frå sida av motorblokka, så har eg ikkje gjort noko med dette. Men etter ca 5 driftstimer etter reperasjonen har eg ikkje sett ein einaste dråpe olje, så den olja som var der då eg starta arbeidet har truleg samla seg opp over ganske lang tid. Eg ser difor ikkje på dette som eit problem.
Kjølevannslekkasjen står då igjen. Min foreløpige magefølelse er at lekkasjen ikkje kjem frå termostathuset, fordi eg ikkje syns det ser ut som det er vått der. Dette skal eg dog undersøke nærmere. Dersom det er eksosmanifolden som lekk eller har sprekker så vil eg vurdere om eg skal gjere dette sjølv eller overlate til verkstad. Eg tenker nok eg kunne fått det til, men eg skulle gjerne visst kordan eg kan skille mellom dårlige pakninger og sprekker i manifold ved visuell inspeksjon (kanskje ikkje alltid skadene er så store at dei synes?), slik at eg slepp å demontere alt to gongar. Eg skal kome tilbake med ny oppdatering når eg har fått tatt ein ny prøvetur og leita meir etter lekkasjens opprinnelse. ?
