Kan det bli båt av dette?

[ivar]

Det er (eller var) en sånn båt i havna her, skal få tatt bilde av den hvis jeg ser den

 

På den så var det påmontert 50 el. 60hk Selva 4T (dvs en omlakkert yamaha)

Redigert 12.Oktober.2014 av ivar (see edit history)

[glalaks]

Arti tråd. Jeg bygde selv en 14 fot båt da jeg var konfirmant så dette vekker minner:)

 

Tror vi brukte annen type plate i akterspeil. Den var "myk" med mange små trebiter som satt sammen. Det skulle vist bli en del sterkere med lavere vekt.

 

Jeg brukte over en mnd på en åpen båt. Synes dere er effektive:)

 

Ingenting er som å sjøsette båten for første gang som man har bygget selv!

[aebi]

Då skal tråden oppdaterast med fleire bilder

Før "innerliner kan monterast på, så må desse tilpassast til kvarandre. Ein laang kveld gikk med til fresing av x-finer og glasfiber. God tilpassing vert viktig då dette er båtens største belastningsflater.

Brønnen i akterenden vert også gjort ferdig no, og messingpopper inn til 600 liter flytetanker kjem på plass. Flytetankane skal halde båten flytande sjølv om det er fylt med sjø.

Redigert 13.Oktober.2014 av aebi (see edit history)

[aebi]

Det blir støypt opp store flater til ulike detaljer i innredninga etter kvart som dette trengs. Dette er skottet mellom anker-rom og fremre benk. (sorry for uklart bilde)

 

Slik ser det ut under innstøyping sett frå innsida av båten

 

Og sånn frå baugen. Spalta nederst her fungerer som lufting av fremre benkeskap.

[aebi]

Bakveggen er forsegla og vi har starta arbeidet med å lime saman over- og underdel. No er stressfaktoren høg. Vi har i forkant av dette arbeidet skrudd saman skroget og lasermålt dette for å sikre oss ad det heile er beint slik at båten skal gå beint i sjøen. Dette er viktig når farta vert stor.

 

 

10 varmegrader i hallen for å gje oss arbeidstid. For no skal fleire ting skje fort og helst samtidig!
Sikaflexs skal leggast på jamt rundt heile ripa, overdelen leggast rett på plass, 124 skruar skal monterast med mutter og skive, og akterstavnen skal plastrast med glassfiber…

 

Tvinger, er ei velsigna oppfinning. Desse held det heile på plass medan holrom vert fylt med polyester og glasfiber.

 

 

I mål?

 

I mål!! det heile stemmer, baug i over- og underdel er på linje, og varmen i lokalet vert igjen lyfta til 18 grader.

[Torsen67]

Flott tråd! Jeg har nada peiling på dette, så derfor jeg spør; hvorfor brukes det polyester og ikke epoxy når dere støper? Og hvorfor bruker dere pensel og ikke sprøyte eller rulle når dere legger på gelcoaten? Jeg ser for meg at det er vanskelig å få på et jevnt lag med pensel? ( kan nevne at jeg hater å male med pensel da jeg aldri får det jevnt ;-)

[trekko]

Flinke dere er!

[aebi]

Eg har ingen erfaring med epoxy, men veit at dette er ein mykje dyrare produkt. Gelcoaten blir påført med pensel for at vi skal ha kontroll på tjukkelse, vi "legg" gelgoaten på forma. Med rulle klarer du ikkje å oppnå tjukkelse, og du har mindre kontroll på sluttresultat. Skulle vi nytta sprøyte hadde dette krevd mykje ekstra utstyr og skjerma lokalitetar og meir erfaring en det vi har.

[aebi]

_{Etter at båtskrog og topp på båten er montert vert desse sett vekk og tida har komen til støyping av ulike inventar-komponentar. Det har blitt vår og varmare i lufta. Det skal no lagast benker til båten. Formene til desse måtte vi delvis lage sjølve. Vi lager no "plugger" som er produsert av tre og glatte baderomsplater som er sparkla med stålsparkel og deretter kledd med sølvpapir-tape enkelte plassar. I nokre av detaljene legg vi på mykje gelcoat for å ha litt tjukkelse å pusse på. Dette synte seg å fungere veldig bra.}

 

_{Sittebenk i produksjon}

 

Fyrste "legg" på plass. Dette er i utgangspunktet ei benkeform som ikkje har luke. Dette blir løyst med å lime på ei ramme at tre som er bearbeidd som nemt tidlegare. Dette fungerer bra, med dvi får berre ein støyp av forma fordi treramma vert øydelagd når støyper er ferdig.

 

 

Etter 2 lag med glasfiberstøyp vert det lagt inn forsterkingar, og til pressvekter vert det meste nytta...

 

OG straffa for å lage 2 båter er at det må lagast 2 av alt...

 

Det blir til tider trangt i verkstaden.

 

Neste øvelse: styrekonsoll.

Påføring av gelcoat er ein vansklig arbeid oppdaga vi etter kvart . Dersom vi no ”maler” for tynt med gelcoat vert glassfiberen synleg, og støypen er ubrukeleg. (har vi oppdaga…) Vi støypte 4 konsoll før vi var fornøgd med 2, og arbeidet tok 5 veker!

 

Støyping i fleire vinklar med både liggande og hengande plastring er vanskeleg. Særleg 1. legget gav oss maaaange utfordringar. Ordtaket "øvelse gjer meister" var trøsta vår her.

 

Nye former i farta, her får dekksluka overflate på plass

 

Deretter 3 lag med matter. Denne luka kjem til å bli mykje belasta når ein skal ombord i båten, og må difor vere sterk.

 

OG slik gikk våren...

Det vart etter kvart mange delar som dukka opp i puslespelet, men når somaren står for døra er alt av glasfiberarbeid gjort og vi begynner å sjå korleis dette skal bli.

 

 

SÅ kjem ei utfordring som tar titt "peepen" frå oss. Verkstaden som har laga det alt av rustfrie beslag til desse båtane, og som har datalagra alle mål og maler til arbeidet har slått av lyset og stengd døra. Firmaet eksisterer ikkje lenger...

Redigert 15.Oktober.2014 av aebi (see edit history)

[SoBo]

Moro å følge tråden. Håper dere finner en annen "sølvsmed" for rekker og beslag.

[aebi]

Det gjorde vi!

Vi har fekk kontakt med ei dame som heiter ELSE…

Ho held til på øya Orten på Nordmøre, og ville ta på seg å lage alt det rustfrie på båtane dersom ho fekk levert ein av båtane på øya samt bilder og skisser av korleis dette skulle sjå ut. Dermed vart det ein lang søndagstur med båt på hengar til denne lille øya som ligg vest av Molde i Sandøy kommune. Her bur det i dag 8 fastboande, og den eine er ein viden kjent "sølvsmed" som lager vakre ting i rustfritt stål.

Vi gjorde avtale om at båten skulle stå her gjennom heile sommaren, og vi fekk mange kommentarar ombord i fergene, både til og frå øya. "De har vore ute med Else de?" vart spørrande konstatert av mange når vi returnerte til fastlandet med nye beslag og rekker, og med 2 av alt...

Eller som skipperen på ferga til Orta sa: "ta dykk god tid med besøket hos Else, eg kan vente med avgang til de har snakka ferdig, for dette er siste

turen i dag".

 

Bilde av tilsvarande båt som vart bruk som mal for "sølvarbeidet".

Redigert 15.Oktober.2014 av aebi (see edit history)

[Bodehode]

Flott arbeid, moro tråd å følge :-) er det lenge til neste oppdatering? :-)

[Gunga Din]

veldi flott stålarbeid.........o kul tråd, har selv bygget en del i glasfiber

[Bøljan]

Spennende tråd og imponerende arbeide

[Maruma]

Morsomt å følge dette prosjektet, dyktige gutter som lager fine båter :-)

[ashfirelate]

steike mange flinke båtbyggere på BP.

 

:thumbsup:

[trekko]

Bra skrivet, venter på neste oppdatering

[SoBo]

Bra det ordnet seg med "sølvsmed"

[Kyst1]

Fantastisk gøy :-)

[aebi]

KAPITTEL 3

GARASJEBÅT

Etter at båten har hatt sommarferie hos "sølvsmeden", blir den henta heim og plassert i garasjen til båtbyggaren. Her vert det siste glasfiberarbeidet gjort utover hausten før det vert for kalde kvelder (tenkte vi...). Det har no gått eit år sidan vi starta på prosjektet...

 

Her er styrekonsoll på plass

 

OG ein benk med luke som har kosta laangt meir arbeid en det ein skulle tru av bildet. Luka som er laga vart støypt på "frihand", dvs. støypt ut på polert glasplate med sideforskaling i tre som vart formgitt med stålplast og tildekt med aluminiumstape. Deretter bygd opp med gelcoat og toppcoat, og så pussa, og pussa og pussa og ............................ polert. Siste sandpapir-nr. som er brukt er med korning 1500 .

 

Bakre benk på plass, omsider. Denne benken er ikkje til sals. Vi har laga 5 støyper før vi var fornøgd og hadde to gode benkar og ei form. Dette arbeidet brukte vi over 3 mnd. på. Huff.. Lokk til benken er laga som til fremre benk. Deretter vart lokket brukt som "plugg" til form og ny avstøyp til lokk nr 2. Dermed kan vi levere tilbake fleire former enn dei vi har lånt til eigar av heile byggesettet. Det er vel dette som heiter produktutvikling?

 

Det er kjekt å ha med smidige karer når det vert trangt om plassen. (og det er det ofte i dette prosjektet)

Redigert 17.Oktober.2014 av aebi (see edit history)

[aebi]

VINTERARBEID...

 

Det vart etter kvart oppdaga støypefeil. Nokre på storleik med eit fyrstikkhaud, andre noko større. Alle er reparert i løpet av 4 kalde mnd. Vifteomn og varmelape var gode hjelparar denne vintaren.

 

Ved hjelp av stive plast-ark og sprøyter med toppcoat (tjukke sprøytespissar) har vi utvikla ein metode for reparasjon av overflateskader som er særs god. Vi har delt ideen med resten av båtfolket gjennom ”baatplassen.no”, og fått masse kjekke tilbakemeldingar. Vi gikk fram på denne måten:

1) frese vekk gelcoat og avdekke skade med dremel med påmontert fresekule

2) acetonvask

3) klippe til plastark slik at dette kan tapeast 1 - 2 mm frå fresekanten rundt heile "såret"

4) fylle sprøyte med toppcoat, bruke grov nål, og tyntflytende coat

5) stikk hol i plasten nær sårkant med sprøytespiss i øvre del av skaden

6) stikk sprøytespiss inn i nedre del av skadeområdet og fyll holrommet til det kjem coat ut gjennom lyfteholet

7) still inn varmelampe, gå heim og bruk resten av kvelden saman med familien

8) når coaten har herda vert plasten fjerna, og dersom du er god så har du eit reparasjonsområdet som er slett og blankt som resten av båten. Ingen pussing og sliping.

 

 

SÅ skal ulike komponentar monterast

 

Det var stemning av andakt i garasjen når sølvarbeidet vart montert

 

 

Og stadig fleire komponenter finn sin plass. Polykarbonatplate vart innkjøpt og forma før tvinger og mange hender fekk denne på plass mot det rustfrie bøylen på styrekonsollet

 

 

Tilpassing av fenderlist var ei stor utfordring. Skruane som held skroget saman vert og nytta til ”fenderlisthaldarar”.

 

 

Gummilista skal kokast i ein halvtime før montering, og leggast/strekkast på medan den er varm. Vi måtte vere mange til dette arbeidet; ein snurra og flytta panna, nr 2 banka på lista medan nr. 3 strekte den på plass, og 4.mann kom etter til slutt med klubbe og plankestump for å få rette linjer. Det heile må vere gjort i løpet av 15 minutt!

 

Dette vart et vanskeleg arbeid fo oss, og til hjelparane si store fortviling drog byggherren lista av igjen 3 ganger før han var førnøgd. Det var ikkje kvar dag vi klarte å samle alle som måtte hjelpe til, og det er ikkje lett å finne varme dagar midtvinters, difor tar det 2 mnd frå fyrste til siste forsøk.

 

 

Tilslutt får vi betalt for innsatsen

 

Det har blitt varme i lufta igjen og våren går med til ulike monteringsdetaljer som tek tid

 

 

som montering av trekkerør til straum...

 

trekkerør til kablar frå styrekonsoll, under dekk til motor og batteri

 

Støyping av batterikasse

 

 

Fram og tilbake i garasjen, 2 år har gått når vi no skal ta til på trearbeidet i prosjektet

Redigert 17.Oktober.2014 av aebi (see edit history)

[Søringen]

Puh... For en jobb dere har gitt dere ut på. Men resultatet blir imponerende Regner med dette er en båt som aldri skal selges?

[glalaks]

Jeg angrer på at jeg solgte min selvbygde båt hvertfall..

 

Vi blanda grus i grønnmaling og malte dørken med dette som antiskli. Har dere noe sånn?

[aebi]

Niks, ingen grus her. Vi bruker heil ved... Bilder kjem snart

[Frode Stiansen]

Fantastisk bra dette, utrolig flinke.